Ortzi Idoate eta Elixabet Etxandik beren bertsoak eskaini zituzten Luhusoko libertimenduan. ©Bob EDME
Plaza jendez bete zen Makea, Lekorne eta Luhusoko gazteen ikusgarriaz gozatzeko. ©Bob EDME
G7 gailurra eta Joseba Istequen edertasun lehiaketan izandako parte hartzea aipagai izan ziren ikusgarrian, besteak beste. ©Bob EDME
Nola ez, Gure Irratiko kazetariak ere ikusgarrian beren tokia izan zuen. ©Bob EDME
Umorez jositako emanaldia eskaini zuten gazteek. ©Bob EDME
Dantza emanaldiak kolorez bete zuen Luhusoko plaza. ©Bob EDME
Libertimendua Luhusora itzuli da
Makea, Lekorne eta Luhuso herriko gazteek bat egin zuten otsailaren 9an eskainitako Libertimenduan. Luhusoko plazak bertso, dantza eta zirtzilen antzezlanean bildu zituen jende andana baten aitzinean. Goizeko 10.00etan pertsonaiak herriko karriketatik gaindi ibili eta 11.00etan emanaldia eskaini zuten betiko umorea nagusi izan zuen ikusgarrian. Herriko bozak, G7 gailurra, Abilan enpresaren garapena eta Joseba Istequen edertasun lehiaketa izan ziren aipaturiko gaiak, besteak beste.
10 FéV. 2020
