Nahikari Otaegik aste honetan bertan aurkeztuko du bere burua espetxean. Aurrez urte eta erdiko zigorra beteta, lau urte eta erdiko espetxealdia du aurretik. Zazpi hilabeteko Oihana alabarekin sartuko da kartzelara eta kanpoan utziko ditu Ekaitz semea eta Aitor Mokoroa bikotea. Auziaren prozesu luzearen aurrean, «nire bizitzarekin zer?», galdetu zuen. Hala, beraien bizitzarekin aurrera jarraitzea erabaki zuten, «ez Estatu espainolak ez inongo epailek baldintzatu gabe». Hemen, bere lekukotasunak.