Urteko jai nazionala aurkeztu berri du SORTZEN elkarteak. Euskal Eskola Publiko Berriaren aldeko elkarteak maiatzaren 21ean ospatuko du aurten bere jaia, Antoniutti parkean, Iruñean.
Protagonista berria izango du aurten festak: IkasKilo. Eta honek amets bat du: Auzo Bizi Onaren Eskola eta hori lortzeko behar duen Hezkuntza Burujabetza.
SORTZEN elkarteak, jaiaren testuingurua baliatuz, hainbat ekimen jarri ditu martxan:
- Unitate Didaktikoa zabaldu du eskoletan: adin ezberdinetako ikasleei zuzendutako jarduerekin.
- Zozketa: 100 sari dituen zozketa bat martxan jarri du (Nekazal etxea, otorduak, scape room saio bat, Sortzen-materiala…)
- Haizea egitasmoa ere aurkeztu du: jaiaren etekin ekonomikoaren zati bat, Nafarroako zonalde diskriminatuan D ereduko lerroak babesteko eta hauspotzeko erabiliko dute.
- Hezkuntza Burujabetza mahai-ingurua: burujabetzarekin eta hezkuntzarekin lotutako esperientzia ezberdinen protagonistak elkartu zituen San Frantzisko eskolan (Orioko herri curriculuma, elikadura burujabetza, Ikasle Euskaldun Eleaniztunak hizkuntza-proiektua eta mugimendu feminista).
- IkasKiloren kamisetak ere salgai dituzte: haur zein nagusientzako.
> Ireki duten webgune berezian jaiaren informazio guztia jarri dute: klik hemen
