LEHENENGO ERA
Osagaiak 4 lagunentzat
300 g tagliatelle, 300 g alberjinia, 300 g ganboi, 100 ml ardo zuria, 300 ml tomate saltsa, olioa, gatza.

Zailtasuna                        2               

1. Kazola handi batean ur ugari  irakiten jarri.
2. Ura irakiteko moduan dagoenean, tagliatelleak eta gatza bota; noizean behin eragin.
3. Samur baina oraindik samar gogor daudenean –al dente eran– atera eta xukatu. Ez busti ur hotzean.
Aldi berean honako hauek prestatu:
1. Tiratan moztutako alberjiniak olio zurrusta batekin erregosi.
2. Ganboiak zuritu eta zartagin batean olioarekin arin erregosi.
3. Ganboien buruak olio pixka batekin erregosi. Ardoa bota eta egosi. Tomate saltsa bota eta 10 minutuz egosi. Buruak  atera.
Tagliatelleak eta aurreko nahasketa eta saltsa nahastu.

BIGARREN ERA
Osagaiak 4 lagunentzat
300 g tagliatella, 300 g ganboi, koñaka, 2 arrautza gorringo, 300 ml esne-gain.

Zailtasuna                     2               

1. Tagliatelleak egosi.
2. Ganboiak zuritu eta arin erregosi.
3. Buruak koñaka pixka batekin arin erregosi. Esne-gaina bota. Irabiatutako gorringoak gehitu eta ondo nahastu. Gatzatu aurretik sutatik kendu eta buruak atera.
Tagliatelleak ganboi eta saltsarekin nahastu.