![Hesian taldea, GARAren espolioaren aurkako kontzertuan. (Juan Carlos RUIZ/FOKU)](/media/asset_publics/resources/000/608/104/article_main_landscape/20190609_Hesian.jpg)
«Hasiera guztiek bere amaiera dute, eta orain guri, kantuz, izerdiz, maitasunez, borrokaz, barrez eta malkoz jositako istorio honi amaiera ematea dagokigu».
Horrelaxe iragarri du Hesian taldeak Facebook-eko bere orrialdean bere hamabost urteko ibilbidearen amaiera. Honakoa ez zela imaginatzen zuten itxiera onartu dute taldekideek. «Bestelakoa irudikatzen genuen, baina errealitateak nahi baino gehiago lotzen eta mugatzen gaitu», aitortu dute. Horregatik, «tristuraz beteta» jakinarazi dute ezingo dutela «merezi duzuen eta nahi genuen despedidarik egin».
Urtarrilaren 9an Bilbon eskaini zuten kontzertuan «sekretu handi baten zama» eraman zuten beren baitan. «Berezia izango zela esan genizuen, azkena izango zela bagenekielako», aitortu dute.
Egindakoarekin «harro», emandakoarekin «pozik» eta «jasotako guztiarekin zoriontsu» daudela nabarmendu du Hesianek. «Musika sortu eta partekatu dugu. Musikak batu gaitu, barruak hustu, bihotzak bete, eztarriak urratu, arimak biluztu eta hegalak astindu!», azaldu du bere oharrean.
Urte hauetan guztietan eskaini dituzten kontzertu kopuruaren kontua aspaldi galdu zutela diote, baina bada «inoiz ahaztuko ez dugun zerbait: zuen begiradak, zuen oihuak, zuen babesa, zuen besarkada, malko eta irriak».
«Zuengatik izan gara izan garen guztia eta bihotzak beterik, bagoaz. Eskerrik asko urte hauetan guztietan gure ondoan egoteagatik, bizitakoagatik. Zuengatik, guregatik», Hesian «familiaren» agurra.
![Ezra](/media/asset_publics/resources/001/131/783/article_thumb_horizontal/ezra.jpg)
«Euskal Herrian ni naiz munduko herri guztiak bisitatu dituen bakarra»
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![0729_eg_freixas(1)](/media/asset_publics/resources/001/141/247/article_thumb_horizontal/0729_eg_Freixas(1).jpg)
Vivir con sentido, clave en un envejecimiento heterogéneo
![Europapress_6089360_reserva_biosfera_urdaibai](/media/asset_publics/resources/001/141/726/article_thumb_horizontal/EuropaPress_6089360_reserva_biosfera_urdaibai.jpg)
Los caballos vuelven a la explotación forestal para proteger el terreno y el agua en Urdaibai
![Europapress_5953078_aurora_boreal_pantano_baells](/media/asset_publics/resources/001/142/339/article_thumb_horizontal/EuropaPress_5953078_aurora_boreal_pantano_baells.jpg)