LEHENENGO ERA
Osagaiak 4 lagunentzat
800 g hegaluze, 8 xerra hirugihar, 16 tomate cherry, olioa, gatza.

Zailtasuna                        2              

1. Hegaluzeari azala eta hezurrak kendu eta 24 dadotan moztu.
2. Hirugiharra xerra bakoitza 3 zatitan moztu.
3. Tomateak garbitu eta osorik utzi.
4. Txitxiburduntzi bakoitzean 3 dado hegaluze, 3 zati hirugihar eta 2 tomate jarri. Gatza bota.
5. Plantxa bat olio pixka batekin berotu eta txitxiburduntziak erre, bi aldeetatik.

BIGARREN ERA
Osagaiak 4 lagunentzat
800 g hegaluze, 3 piper berde, tipula bat, olioa, gatza.

Zailtasuna                        2              

1. Hegaluzeari azala eta hezurrak kendu eta 24 dadotan moztu.
2. Piperrei haziak kendu eta garbitu. 24 zatitan moztu.
3. Tipula zuritu eta 16 dadotan moztu.
4. Txitxiburduntzi bakoitzean 3 dado hegaluze, 2 zati tipula eta 3 zati piper jarri. Gatza bota.
5. Plantxa bat olio pixka batekin berotu eta txitxiburduntziak erre, bi aldeetatik.

Bi errezetak saltsa honekin lagundu:
1. Zerrendatan moztutako tipula bat olio pixka batekin erregosi.
2. Tomate heldu bat eta 2 pikillo piper gehitu eta erregosi.
3. Baso laurden salda gehitu eta egosi. Irabiagailuarekin nahasi.