LEHENENGO ERA
Osagaiak 4 lagunentzat
4 berdel, olioa, gatza. Barazkiak: 2 baratxuri ale, 10 baratxuri fresko, 10 pikillo piper, olioa, gatza.

Zailtasuna                        2               

1. Berdelak garbitu, xerrak atera eta zatitu. Gatza bota.
2. Zerrendatan moztutako baratxuriak olioarekin erregosi, su oso eztitan.
3. Baratxuri freskoak garbitu eta 4 cm-ko pusketan moztu. Zartagin batean olio pixka batekin 5 minutuz erregosi, su ertainetan. Atera.
4. Zartagin berean berdela gehitu eta arin erregosi.
Plateretan baratxuriak eta piperrak jarri, eta gainean berdela.

BIGARREN ERA
Osagaiak 4 lagunentzat
4 berdel, olioa, gatza. Barazkiak: 2 baratxuri ale, 8 gari-zainzuri, 200 g piper berde, koilarakadatxo bat piper gozo.

Zailtasuna                           2

1. Berdelak garbitu, xerrak atera eta zatitu. Gatza bota.
2. Txikitutako baratxuriak olio pixka batekin erregosi, su oso eztitan.
3. Piperrak garbitu, haziak kendu eta tiratan moztu. Baratxuriei gehitu eta arin erregosi. Gatza eta piper gozoa bota.
4. Zainzuriak garbitu eta 5 cm-ko pusketan moztu. Zartagin batean olioarekin arin erregosi. Gatza bota eta atera.
5. Zartagin berean berdela gehitu eta arin erregosi.
Plateretan barazkiak jarri, eta gainean berdela.