LEHENENGO ERA
Osagaiak 4 lagunentzat
24 txipiroi, 2 baratxuri ale, 2 azenario, 150 g boniato, tipula bat, 12 tomate cherry, olioa, gatza.

Zailtasuna                       2             

1. Txipiroiei buruak atera. Begiak, ahoa eta tripakiak kendu.
2. Gorputzei azala eta barruan duten luma kendu.
3. Gorputzei buelta eman eta ondo garbitu. Buruak txikitu.
4. Txikitutako baratxuriak olio pixka batekin erregosi.
5. Txikitutako buruak gehitu eta arin erregosi.
6. Tipula, boniatoa eta azenarioak zuritu, tira finetan moztu eta olio pixka batekin arin erregosi.
7. Tomateak erditik moztu. Barazkiekin batera jarri eta arin erregosi.
8. Plantxa bat olio pixka batekin berotu eta txipiroiak erre.
Plateretan barazkiak jarri eta gainean txipiroiak.

BIGARREN ERA
Osagaiak 4 lagunentzat
24 txipiroi, piper berde bat, piper gorri erdia, piper ori erdia, baratxuri ale bat, olioa, gatza.

Zailtasuna                             2

1. Txipiroiak aurreko errezetan esan dugun bezala garbitu.
2. Txikitutako baratxuria olio pixka batekin erregosi.
3. Zerrendatan moztutako piperrak gehitu eta arin erregosi
4. Plantxa bat olio pixka batekin berotu eta txipiroiak erre.
5. Plateretan barazkiak jarri eta gainean txipiroiak.