LEHENENGO ERA
Osagaiak 4 lagunentzat
Uraza desberdinak, baratxuri ale bat, 250 g gula, 100 g barrengorri, sagar bat, 50 g-ko 4 ahuntz gazta errulo. Saltsa: 10 koilarakada olio, 3 koilarakada ozpin, 50 g intxaur, gatza.

Zailtasuna                        1               

1. Uraza garbitu, ondo xukatu eta zatitu.
2. Zartagin batean txikitutako baratxuria olio zurrusta batekin erregosi.  
3. Tiratan moztutako barrengorriak gehitu eta erregosi. Gulak gehitu eta arin erregosi.
4. Sagarra zuritu eta dado txikitan moztu.    
5. Zartagin batean, oliorik gabe, gazta bi aldeetatik gorritu.
6. Saltsaren osagaiak irabiagailuarekin nahasi.
Plateretan hurrenez hurren uraza sagarra, gulak, saltsa eta gazta jarri.  

BIGARREN ERA
Osagaiak 4 lagunentzat
Uraza, baratxuri ale bat, 250 g gula, aguakate bat, 100 g oliba beltz, 100 g garbantzu egosi, piperrautsa. Saltsa: 12 koilarakada olio, 3 koilarakada ozpin, gatza.

Zailtasuna                            1

1. Uraza garbitu eta zatitu. Aguakatea zerrendatan moztu.
2. Txikitutako baratxuria olio zurrusta batekin erregosi.
3. Garbantzuak eta gulak gehitu eta erregosi. Piperrautsa bota.
Plateretan hurrenez hurren uraza aguakatea, gulak eta olibak jarri. Gainetik irabiatutako saltsa jarri.