LEHENENGO ERA
Osagaiak 4 lagunentzat
100 g cous-cous, tipulina erdia, baratxuri ale bat, 60 ml ur, 125 g garbantzu egosi, 2 azenario, 50 g arbendol, 150 g yogur, koilarakada bat ezti, limoia. Saltsa: 5 koilarakada olio, koilarakada bat limoi zuku, koilarakada bat ezti, gatza, perrexila.

Zailtasuna                       2             

1. Eltze batean txikitutako tipulina eta baratxuria olio pixka batekin erregosi.
2. Garbitu cous-cousa urarekin. Barazkiei cous-cousa bota eta ur irakina gehitu. Eltzea estali eta bertan 10 minutuz utzi.
3. Azenarioak zuritu eta luzeran tiratan moztu. Zartagin batean olio pixka batekin arin erregosi. Gatza eta arbendolak bota.
4. Saltsaren osagaiak irabiatu.
5. Cous-cousa, garbantzuak eta saltsa nahastu.
6. Yogurra, eztia, limoi zuku eta limoi azala pixka bat nahastu.
Plateretan cous-cousa eta azenarioa jarri eta gainetik yogurraren saltsa bota.

BIGARREN ERA
Osagaiak 4 lagunentzat
100 g cous-cous, 125 g garbantzu, tomate bat, tipulina erdia, 100 g luzoker, 150 g oliba beltz. Saltsa: 10 koilarakada olio, 2 koilarakada ozpin, gatza, oreganoa.

Zailtasuna                             1

1. Cous-cousa aurreko errezetan esan dugun bezala egosi.
2. Tomatea, oliba, luzokerra eta tipulina txikitu.
3. Saltsaren osagaiak irabiatu.
Osagai guztiak eta saltsa nahastu eta plateretan jarri.