LEHENENGO ERA
Osagaiak 4 lagunentzat
10 orburu, 300 g izokin fresko, 150 g gazta fresko, 3 koilarakada ozpin,  4 koilarakada olio, gatza. Saltsa:  2 koilarakada yogur, koilarakada bat mahonesa, marinadaren salda, perrexila.

Zailtasuna                       2               

1. Orburuei kanpoko hosto gogorrak kendu. Zainari azala zuritu. Barruan dituzten ileak koilarakadatxo batekin atera. 10 minutuz egosi.
2. Izokinari azala eta hezurrak kendu eta zerrenda finetan moztu. Ozpina, olioa eta gatza irabiatu, izokinaren gainetik bota eta lau orduz beratzen utzi. Izokina atera eta salda gorde.
3. Gazta dado txikitan moztu.
4. Saltsaren osagaiak irabiatu.
Plateretan orburuak, gazta eta izokina jarri eta gainetik saltsa bota.

BIGARREN ERA
Osagaiak 4 lagunentzat
10 orburu, 300 g izokin fresko, aguakate bat. Saltsa: 6 oliba beltz, arrautza egosi bat, 4 antxoa oliotan, 10 koilarakada olio, 2 koilarakada ozpin.

Zailtasuna                    2

1. Orburuak aurreko errezetan esan dugun bezala prestatu.
2. Izokinari azala eta hezurrak kendu eta dado txikitan moztu. Olio pixka batekin arin erregosi.
3. Aguakatea zuritu eta dadotan moztu.
4. Saltsaren osagaiak txikitu eta irabiatu.
Plateretan orburuak,aguakatea eta izokina jarri eta gainetik saltsa bota.