LEHENENGO ERA
Osagaiak 4 lagunentzat
300 g arroz, litro bat salda, 350 g tipula, 150 g madari, 100 g Gorgonzola gazta, 50 ml esne-gain, ardo zuria, olioa, gatza.

Zailtasuna                        2               

1. Eltze batean txikitutako tipula olio zurrusta batekin erregosi, su oso eztitan. Gatza bota, estali eta noizean behin eragin erre ez daitezen.
2.  Arroza eta txikitutako madaria gehitu eta arin erregosi.
3. Zurrusta bat ardo zuri gehitu eta minutu batez egosi.
4. Salda beroarekin apurka-apurka busti eta etengabe irabiatu. Estali eta 15 minutuz egosten utzi. Noizean behin eragin.
5. Gazta eta esne-gaina gehitu eta nahastu. Gatza bota, 3 minutuz egosi eta noizean behin eragin.

BIGARREN ERA
Osagaiak 4 lagunentzat
300 g arroz, litro bat salda, tipulina erdia, 150 g kuia, 150 g perretxiko, 100 g Gorgonzola, ardo zuria, gurina, gatza.

Zailtasuna                     2               

1. Txikitutako tipulina gurinarekin erregosi, su eztitan.
2. Tiratan moztutako perretxikoak eta dado txikitan moztutako kuia gehitu eta erregosi.
3. Arroza gehitu eta arin erregosi.
4. Zurrusta bat ardo zuri gehitu eta minutu batez egosi.
5. Salda beroarekin apurka-apurka busti eta etengabe irabiatu. Estali eta 15 minutuz egosten utzi. Noizean behin eragin.
6. Gazta eta gurin pixka bat gehitu eta nahastu. Gatza bota eta beste 3 minutuz egosi.