Arroza itsas-zaporekin

LEHENENGO ERA
Osagaiak 4 lagunentzat
300 g arroz, 350 g itsas-zapo, 100 g txipiroi, 2 baratxuri ale, 2 tomate heldu, porru erdia, 1300 ml salda, olioa, gatza.

Zailtasuna                             2

1. Txipiroiak garbitu eta zatitu.
2. Txikitutako baratxuriak eta porruak olioarekin erregosi.
3. Tomateak zuritu eta txikitu. Barazkiekin batera jarri eta erregosi.
4. Txipiroiak gehitu eta erregosi.
5. Arroza gehitu eta arin erregosi.
6. Salda beroarekin apurka-apurka busti eta eragin. Estali eta egosten utzi.
7. 12 minutuz egosi eta gero, sua txikitu. Gainean zatitutako arraina jarri eta beste 6 minutuz egosi.
Sutatik kendu eta 3-5 minutuz pausatzen utzi.

BIGARREN ERA
Osagaiak 4 lagunentzat
300 g arroz, 350 g itsas-zapo, 100 g ganba, 16 txirla, 2 baratxuri ale, 2 piper berde, 1300 ml salda, olioa, gatza, perrexila.

Zailtasuna                        2               

1. Ganbak zuritu. Txirlak garbitu.
2. Txikitutako baratxuriak eta piperrak olioarekin erregosi.
3. Arroza gehitu eta arin erregosi.
4. Salda beroarekin apurka-apurka busti eta eragin. Estali eta egosten utzi.
5. 12 minutuz egosi eta gero, sua txikitu. Gainean zatitutako arraina eta txirlak jarri eta 3 minutuz egosi.
6. Ganbak sartu eta beste 3 minutuz egosi.
Sutatik kendu eta 3-5 minutuz pausatzen utzi.