Leka, gula eta otarrainxka entsalada

LEHENENGO ERA
Osagaiak 4 lagunentzat
2 patata, 400 g leka, baratxuri ale bat, 200 g otarrainxka, 150 g gula, gatza. Saltsa: 9 koilarakada olio, 2 koilarakada ozpin, gatza.

Zailtasuna                     2           

1. Lekak garbitu, kendu ertzak eta alboetako hariak. Tiratan moztu.
2. Eltze batean ur ugari eta gatza irakiten jarri. Lekak sartu eta 10 minutuz egosi. Freskatu, xukatu eta lau plateretan jarri.
3. Patatak  20 minutuz egosi, zuritu eta xerratan moztu.
4. Otarrainxkak zuritu.
5. Zartagin batean txikitutako baratxuria olio pixka batekin errregosi. Otarrainxkak eta gulak gehitu eta arin erregosi.
Plateretan hurrenez hurren patata, lekak eta otarrainxken eta gulen nahasketa jarri. Gainetik irabiatutako saltsa bota.

BIGARREN ERA
Osagaiak 4 lagunentzat
2 tomate, 400 g leka, 150 g otarrainxka egosita, 150 g gula, 150 g gazta fresko. Saltsa: mango erdia, 9 koilarakada olio, 2 koilarakada ozpin, gatza.

Zailtasuna                     2            

1. Lekak aurreko errezetan esan dugun bezala prestatu.
2. Otarrainxkak zuritu.
3. Tomateak zuritu eta zerrendatan moztu.
4. Gazta dadotan moztu.
5. Saltsaren osagaiak irabiagailuarekin nahasi.
Plateretan hurrenez hurren tomatea, lekak, otarrainxkak, gazta eta gulak jarri. Saltsa bota.