Odoloste lasagna piper gorri saltsarekin

Osagaiak 4 lagunentzat
12 lasagna xafla. Betegarria: 350 g odoloste, tipula bat, baratxuri ale bat, piper berde bat, piper gorri bat, 100 g kuiatxo, olioa, gatza. Saltsa: tipula bat, baratxuri ale bat, 2 piper gorri, olioa, baso bat salda, gatza.

Zailtasuna                         3

1. Kazola batean ur ugari eta gatza irakiten jarri.
2. Irakiteko puntuan dagoenean, lasagna xaflak banaka sartu; noizean behin mugitu.
3. Hamar minutuz egosi. Atera eta ur hotzetan busti. Xukatu eta oihal baten gainean atera.
Betegarria:
1. Eltze batean txikitutako tipula eta baratxuria olio pixka batekin  erregosi, su oso eztitan.
2. Txikitutako piperrak eta kuiatxoa gehitu eta erregosi.
3. Odolosteari azala kendu, barazkiekin batera jarri eta arin erregosi. Hozten utzi.
Saltsa:
1. Zerrendatan moztutako tipula eta baratxuria olio pixka batekin erregosi, su eztitan.
2. Zerrendatan moztutako piperrak gehitu eta erregosi.
3. Barazkiak eginda daudenean, salda bota eta 20 minutuz egosi.
4. Irabiagailuarekin nahasi eta txanotik pasatu. Gatza bota.
Bukatzeko:
1. Azpil batera saltsa pixka bat bota.
2. Hurrenez hurren lasagna xafla, betegarriaren erdia, lasagna xafla, geratzen den betegarria eta lasagna xafla jarri.
3. Geratzen den saltsarekin estali eta labe beroan sartu, 190ºC-an, ondo berotu arte.