Txerri solomotxoa laranja saltsarekin

LEHENENGO ERA
Osagaiak 4 lagunentzat
900 g txerri solomotxo, 2 zukuzko laranja, 50 ml ardo gozo, 300 ml salda, 2 koilarakada soja saltsa, koilarakadatxo bat arto irin, olioa, gatza, piperbeltz beltza.  

Zailtasuna                           2               

1. Solomotxoa xerratan moztu eta gatza eta piperbeltz beltza bota.
2. Zartagin batean olio pixka bat berotu, xerrak gorritu eta atera. Olioa kendu.
3. Zartagin berean ardoa bota eta minutu batez egosi.
4. Laranjen zukua eta salda gehitu eta 8 minutuz egosi. Urtutako arto-irina gehitu eta eragin.
5. Solomotxoa sartu eta minutu batez berotu.

BIGARREN ERA
Osagaiak 4 lagunentzat
900 g txerri solomotxo, laranja bat, tipula bat, 300 ml salda, koilarakada bat ezti, ardo zuria, olioa, gatza.

Zailtasuna                             2

1. Solomotxoa xerratan moztu eta gatza bota.
2. Zartagin batean olio pixka bat berotu, xerrak gorritu eta atera.
3. Zartagin berean tiratan moztutako tipula erregosi, su eztitan.
4. Zatitutako laranja gehitu eta erregosi. Eztia eta ardo pixka bat bota eta minutu batez egosi.
5. Saldarekin busti eta 5 minutuz egosi. Irabiagailuarekin nahasi eta txanotik pasatu.
6. Solomotxoa sartu eta minutu batez berotu.

Bi errezetak arin erregositako patata eta boniatorekin lagundu.