Makarroiak arkume eta kurryrekin

LEHENENGO ERA
Osagaiak 4 lagunentzat
300 g makarroi, tipula laurdena, 100 g alberjinia, 50 g piper berde, 2 tomate heldu, 450 g arkume, kurrya, olioa, gatza.

Zailtasuna                        2               

1. Kazola batean ur ugari eta gatza irakiten jarri.
2. Ura irakiteko moduan dagoenean, makarroiak eta gatza bota; noizean behin eragin.
3. Pasta eginda baina oraindik gogor samar dagoenean -al dente eran- atera eta xukatu.
Makarroiak egosteko:
1. Arkumeari hezurrak kendu eta zati txikitan moztu.
2. Tiratan moztutako tipula, alberjinia eta piperra olio pixka batekin erregosi.
3. Tomateak txikitu. Barazkiekin batera jarri eta arin erregosi.
4. Olio pixka batekin arkumea arin erregosi. Gatza, barazkiak eta kurrya bota.
Plateretan makarroiak jarri eta gainean arkumea.

BIGARREN ERA
Osagaiak 4 lagunentzat
300 g makarroi, 600 g arkume, 250 g kuiatxo, olioa, kurrya, gatza.

Zailtasuna                         2

1. Makarroiak aurreko errezetan esan dugun bezala egosi.
2. Arkumeari hezurrak kendu eta zati txikitan moztu.
3. Tiratan moztutako kuiatxoa olio pixka batekin arin erregosi.
4. Arkumea gehitu eta arin erregosi. Gatza eta kurrya bota.
Platerean makarroiak jarri eta gainean arkumea.