Arroz eta otarrainxka entsaladak

LEHENENGO ERA
Osagaiak 4 lagunentzat
200 g arroz,  2 azenario, 100 g arto gozo, 200 g otarrainxka, 12 oliba beltz. Saltsa: 10 koilarakada olio, 2 koilarakada ozpin, gatza, kurry pixka bat.

Zailtasuna                         2               

1. Eltze batean ur ugari eta gatza berotu. Irakiten hasten denean, arroza gehitu eta 20 minutuz egosi. Freskatu eta xukatu.
2. Otarrainxkak 2 minutuz egosi. Freskatu, zuritu eta 3 zatitan moztu. Buruak gorde.
3. Azenarioak zuritu, dado txikitan moztu eta 3 minutuz egosi. Freskatu eta xukatu.
4. Buruak olio zurrusta batekin erregosi eta iragazi. Saltsaren osagaiei gehitu eta irabiatu.
Osagai guztiak eta saltsa nahastu.
.
BIGARREN ERA
Osagaiak 4 lagunentzat
200 g arroz, 200 g otarrainxka, tipuleta erdia, piper berde erdia, piper gorri laurdena. Saltsa: arrautza bat, 200 ml olio, ozpina, gatza.

Zailtasuna                       2               

1. Eltze batean ur ugari eta gatza berotu. Irakiten hasten denean, arroza gehitu eta 20 minutuz egosi. Freskatu eta xukatu.
2. Tipuleta eta piperrak garbitu eta txikitu.
3. Otarrainxkak 2 minutuz egosi. Freskatu, zuritu eta zatitu.
Saltsa:
1. Arrautza eta ozpin tanta batzuk irabiagailuarekin nahasi.
2. Olioa apurka-apurka bota eta etengabe irabiatu. Behar adina gatz eta ozpin bota.
Osagai guztiak eta saltsa nahastu.