Hegaluze marinatu eta aguakate entsaladak

LEHENENGO ERA
Osagaiak 4 lagunentzat
Uraza desberdinak, aguakate bat, 400 g hegaluze, tipulina bat, koilarakada bat sesamo hazi, limoi bat, olioa. Saltsa: 10 koilarakada olio, 3 koilarakada ozpin, gatza.

Zailtasuna                        1               

1. Limoi zukua 75 ml oliorekin eta gatzarekin nahastu.
2. Hegaluzeari azala eta hezurrak kendu eta xerratan moztu. Aurreko nahastearekin nahastu, hozkailuan sartu eta 40 minutuz beratzen utzi.
3. Uraza garbitu eta zatitu.
4. Sesamoa gorritu, su oso eztitan.    
5. Tipulina zerrenda finetan moztu. Aguakatea zuritu eta zerrendatan moztu.
Plateretan uraza, arraina, aguakatea, tipulina eta sesamoa jarri. Gainetik irabiatutako saltsa bota.

BIGARREN ERA
Osagaiak 4 lagunentzat
400 g tomate, 500 g hegaluze, koilarakada bat tipula frijitu, aguakate bat, lima bat, piperbeltz beltza, olioa, gatza. Saltsa: 10 koilarakada olio, 3 koilarakada ozpin, gatza, martorria.

Zailtasuna                           1

1. Hegaluzea dadotan moztu. Limoi zukua, zurrusta bat olio, gatza eta piperbeltz beltza bota eta nahastu. Hozkailuan sartu eta 40 minutuz beratzen utzi.
2. Tomateak garbitu eta dadotan moztu.
3. Aguakatea zuritu eta zatitu.
Plateretan tomatea, arraina eta aguakatea jarri. Gainetik irabiatutako saltsa eta tipula bota.