Karabinero kremak

LEHENENGO ERA
Osagaiak 4 lagunentzat
Arrain zuriaren burua eta hezurrak, tipulina bat, porru bat, 2 azenario, 600 g karabinero, 30 g arroz, koñaka, olioa.

Zailtasuna                           2              

1. Eltze batean porruaren atal berdea, hezurrak eta burua urarekin 30 minutuz egosi. Gutxi gorabehera 1,5 litro egin. Haragia atera.
2. Zerrendatan moztutako barazkiak olioarekin erregosi.
3. Karabineroak zuritu eta buruak kendu.
4. Barazkiei buruak eta azalak gehitu eta arin erregosi. Koñaka pixka bat bota eta erre.
5. Salda eta arroza gehitu eta 20 minutuz egosi. Irabiagailuarekin nahasi eta txanotik pasatu.
6. Karabinero lau txitxiburduntzitan jarri. Plantxa batean erre.
Ontzietan krema jarri eta karabineroekin lagundu.

BIGARREN ERA
Osagaiak 4 lagunentzat
Tipula bat, porru erdia, 2 azenario, baratxuri ale bat, 600 g karabinero, 75 g sopako, litro bat salda, koilarakadatxo bat piperrauts, koñaka, olioa, gatza.

Zailtasuna                             2

1. Txikitutako barazkiak olioarekin erregosi.  
2. Karabineroen buruak eta azalak gehitu eta arin erregosi.
3. Ogia, piperrautsa eta koñaka gehitu eta erre.
4. Salda gehitu eta 20 minutuz egosi. Irabiagailuarekin nahasi eta txanotik pasatu.
5. Karabineroak zatitu eta arin erregosi. Kremari lagundu.