Olagarro eta gazta fresko entsaladak

LEHENENGO ERA
Osagaiak 4 lagunentzat
Kimu samur desberdinak, 600 g olagarro, 200 g gazta fresko, laranja bat, 15 g wakame alga. Saltsa: 9 koilarakada olio, 3 koilarakada ozpin, 3 intxaur txikitu, koilarakadatxo bat ziape, gatza.

Zailtasuna                        2              

1. Olagarroa urarekin garbitu. Presio eltze batean olagarroa sartu. Estali eta 5 minutuz egosi. Xerratan moztu.
2. Wakamea garbitu eta urarekin 20 minutuz egosi. Xukatu eta tiratan moztu.
3. Laranja ondo zuritu, lau zatitan banatu eta zati bakoitza zerrendatan moztu.
4. Kimuak garbitu eta xukatu.
5. Gazta dado txikitan moztu.
Plateretan hurrenez hurren kimuak, olagarroa, laranja, gazta eta alga jarri. Gainetik irabiatutako saltsa bota.

BIGARREN ERA
Osagaiak 4 lagunentzat
400 g tomate, 600 g olagarro, 200 g gazta fresko, ekilore haziak, 150 g sagar, 4 antxoa oliotan. Saltsa: 9 koilarakada olio, 3 koilarakada ozpin, gatza.

Zailtasuna                       2              

1. Olagarroa aurreko errezetan esan dugun bezala prestatu eta moztu.
2. Tomatea zuritu eta zerrendatan moztu.
3. Sagarra zuritu eta birrindu.
4. Gazta dado txikitan moztu.
Plateretan hurrenez hurren tomatea, olagarroa, gazta, sagarra, haziak eta antxoa jarri. Gainetik irabiatutako saltsa bota.