Txerri solomotxoa barazkirekin

LEHENENGO ERA
Osagaiak 4 lagunentzat
900 g txerri solomotxo, 8 xerra hirugihar,  olioa, gatza. Barazkiak: tipula bat, 150 g barrengorri, piper gorri bat, olioa, gatza, ezkaia.  

Zailtasuna                           2

1. Txerri solomotxoa 16 zatitan moztu. Hirugiharra luzeran erditik moztu. Solomotxo zati bakoitza hirugihar zerrenda batekin bildu.
2. Zartagin batean olio pixka batekin gorritu.
3. Labe beroan sartu, 200 gradutan, 20-25 minutuz.
4. Zerrendatan moztutako tipula olio pixka batekin erregosi.
5. Tiratan moztutako piperra eta zerrendatan moztutako barrengorriak gehitu eta arin erregosi.
Plateretan solomotxoa jarri, eta ondoan barazkiak.

BIGARREN ERA
Osagaiak 4 lagunentzat
900 g txerri solomotxo, 2 patata, 2 piper berde, tipula bat, olioa, gatza.

Zailtasuna                        2              

1. Txerri solomotxoa osorik utzi eta gatza bota. Zartagin batean olio pixka batekin gorritu.
2. Patatak zuritu eta kraskatu, piperra eta tipula tiratan moztu.
3. Azpil batean barazkiak jarri. Gatza, ardo pixka bat eta salda baso erdia bota. Labe beroan sartu, 190 gradutan, 20 minutuz.
4. Gainean solomotxoak jarri eta labe beroan sartu, 190 gradutan, 10 minutuz. Buelta eman eta beste 10-15 minutuz sartu.
Plateretan moztutako solomotxoa jarri, eta ondoan barazkiak.