Gernika, 26 de abril de 1937

Xabier Irujo • Crítica, 2022 • 380 páginas • 18,90 euros

Gernika fue un punto de inflexión en la historia de los bombardeos de terror y también el prólogo de los posteriores bombardeos de saturación de la Segunda Guerra Mundial. Si hasta ahora, este hecho ha sido estudiado generalmente desde el punto de vista de las víctimas, el historiador Xabier Irujo, director del Centro de Estudios Vascos de la universidad de Nevada, nos muestra en este trabajo una perspectiva «desde arriba», desde los que lo idearon. Es un estudio de la lógica subyacente al ataque y una pormenorizada descripción de la planificación, organización y ejecución del bombardeo, dando respuesta así a algunos de los aspectos básicos de la historia: quién dio la orden de ataque, por qué se eligió Gernika, con qué medios contaron los perpetradores…. El libro trata asimismo una cuestión íntimamente ligada a la historia del bombardeo: La orden de Franco de mentir acerca del mismo.

Gaueko eztabaidak •

Agustin Arrieta Ortizbera • Erein, 2022 • 168 orri. 16 euro • Agustin Arrieta Ortizbera filosofoak lau gazte bildu ditu lan honetan, hiru gauetan zehar filosofiako gai sakonen inguruan mintzatzen direnak. Kongresu batera joan dira lauak; eta egunez kongresuko hitzaldiak entzun eta gero, gauero pizten da mahai baten inguruan haien arteko solasaldia. Iritzi eta uste ezberdinak badituzte ere, errespetu osoz eta nork berea defendatuz, gai eta auzi askori buruz eztabaidatzen dute. Egia, zientzia, erlijioa, maitasuna, sexu-generoa, artea, balioak edo zoriontasuna dituzte, besteak beste, eztabaidagai, filosofian askotan jorratuak izan diren gaiak guztiak ere… Egileak idazten duen filosofiaren inguruko seigarren lana da honakoa, baina oraingoan bigarren hezkuntzako eta unibertsitateko ikasleak ditu gogoan. Baita beste irakurle guztiak ere, noski.

Solteroen dantzalekua •

Joxean Agirre • Elkar, 2022 • 180 orri. 19,90 euro • Lehendakarigai izateko aukera handiak dituen gizonaren istorioa da Joxean Agirreren nobela hau. Protagonistak hautesleak konkistatzen ditu, baina badu arazo bat: bere iragana. Frankismoari kontra egiteko, Erakundean ere sartu zen, harik eta, atxiloaldi batean jasotako pasadaren ondoren, borroka-gogoak joan eta Ipar Euskal Herrira ihes egin zuen arte. Bere kabineteak garai hura desegin eta beste bertsio bat jarri nahi dio lehendakarigaiaren biografiari, hotel batean garatzen den egonaldi batean. Eta lortzen dute biografia bat, baina ondoren etorriko dira arazoak… Eleberria bi garaitan mugitzen da: bata 1975. urtean eta bestea aktualitatean. Oso lan dibertigarria, umorez betetakoa.

Azken etxea •

Arantxa Urretabizkaia • Pamiela, 2022 • 160 orri. 12 euro • Zahartzaroan jarri du begia Arantxa Urretabizkaiak suspense puntu bat duen bere nobela berri honetan. Protagonista azken etxearen bila dabil, bizitzaren azken arnasaldiaren bila, azken babeslekuaren bila. Hendaia aldeko etxe bat begiz jo, eta harekin tematu da. Ez du bizimodu arrunta izan, eta ez dira arruntak izango azken etxe hori lortzeko egingo dituen ahaleginak… Protagonistarekin batera, beste pertsonaia zahar batzuek osatzen dute istorioa, emakumeak zein gizonak, bizitza arrunta izan ez dutenak eta, beraz, zahartzaro «arrunta» ere izango ez dutenak. Izan ere, zahartzaroa ikusteko modu desberdinak dituzte...

Samuel eta Slawo •

Karlos Linazasoro • Alberdania, 2022 • 152 orri. 14,90 euro • Samuel Beckett eta Slawomir Mrozek idazleen ironia eta umore beltza erreferente izan dira Karlos Linazasororen literaturgintzan. Oraingoan ere aipatu bi autoreei zuzendu die begirada liburu honek biltzen dituen ipuinak osatzeko, hortik titulua (eta azala ere bai). Pieza laburrak, mikroipuinak eta narrazio laburrak dira, baina antzerkirako gidoiak izan litezkeen kontakizun luzeagoak ere badaude. Eta guztietan, umore gordina, absurdoa, kaosa, karikaturak eta muturreko egoerak aurkituko dugu.