Zer da hipertrofia?

Entrenamenduaren bitartez errendimendua handitzeko aukera dago, betiere organismoa lan-karga errepikatu eta antolatuetara egokitzen bada, hau aurrez planifikatutako kargen batura bat izanik. Muskulu-hipertrofia sortzeko entrenamendua planifikatzeko, beharrezkoa da bilatzen den entrenamenduaren helburua orientatzeko erabil daitezkeen aldagai guztiak ezagutzea. Horien artean hauek dira erabilienak: entrenamendu-baliabideak hautatzea, erabiliko diren ariketen ordena, intentsitatea, bolumena, etenaldia, tentsiopeko denbora, entrenamendu maiztasuna, erreserbako errepikapenak (RIR) eta esfortzuaren pertzepzio subjektiboa (PSE).

Hipertrofiari dagokionez, banakako muskulu-zuntzen tamaina handitzeari deritzo. Zehazki, muskulu-hipertrofia muskulu baten tamaina handitzea da, edo muskulu-zuntz jakin baten barruan miozuntzen (aktina eta miosina) tamaina eta/edo kopurua handitzeari dagokion sekzio transbertsalaren azalera handitzeari esaten zaio. Hipertrofian elementu uzkurkorrak handitu egiten dira, eta zelulaz kanpoko matrizea hedatu egiten da hazkundeari eusteko. Hipertrofia uzkurkorra sarkomeroak seriean edo paraleloan gehituz gerta daiteke. Bestalde, zenbait intentsitate, errepikapen, eten eta abar erabiliz hipertrofia lor daitekeen arren, berrikusitako ebidentziak adieraziko luke 1 RMaren (errepikapen maximoaren) %60-80 bitartean lan egitean lortzen dela batik bat, 6-12 errepikapen eginez, 3 edo 4 segundoko tentsiopean (segundo batez fase zentrokidea eta 2/3 segundoz fase eszentrikoa), 2 eta 3 minutu arteko etenak eginez, esfortzu maximotik gertu egonik eta erreserban 0-3 arteko errepikapenak utziz. Hala eta guztiz ere, parametro hauek indibidualizatu egin beharko lirateke.

Ondorioz, hipetrofia landu nahi izanez gero, parametro hauetan egin beharko litzateke lan, nahiz eta pertsonaren arabera hori aldagarria izan litekeen.