Joan den urrian ateratako aireko argazki honek Le Chenit-en dagoen Risoux izei basoaren erdian zutik dauden izei hilak erakusten ditu. Ehunka urte dituzten izeiez beteta dago Risoux basoa, eta Estatu frantsesaren eta Suitzaren arteko muga estaltzen du Jura mendietan, 1.200 bat metrotan. Munduko edozein basoren irudia izan liteke, baina badu desberdintasunik: bere egurrak perfekzio arraro bat duenez, mundu osoko luthierrek baliatu nahi dute gitarra akustikoak, biolinak eta harizko beste tresna batzuk egiteko. Klima aldaketak, eta horrek dakarren eguraldi lehorrak, ordea, egurraren tonalitate bereziak mehatxupean jarri ditu.