Irulegin topatutako eskua izan da aurtengo aurkikuntzarik esanguratsuena, duela bi mila urteko Nafarroara eraman gaituena. Historia, ordea, egunero idazten den zera da eta aurtengoan izan da Historia eta istorioak idatzi edo, hobeto esan, kantatu dituenik. Maialen Lujanbiok bere hirugarren txapela jantzi du Bertsolari Txapelketa Nagusian, Nafarroa Arenan jokatutako finalean. Beheko irudian, bertsokide eta lagun duen Amets Arzallus besarkatzen ageri da. Eta istorioari eta Historiari jarraiki, Jon Maiak aretoak lepo bete ditu aurten, gure herria ere kantu bat dela aldarrikatzeko. Bejondeiela!