XX. mendearen hasiera zen argazkilaritzara kolorea iritsi zenean. Argazkilariek oso modu sutsuan hartu zuten berria, baita gurean ere. “Euskal Herria koloretan” izenburupean 1907tik 1935era sortutako 225 irudi eta 1.000 autokromotik gora bildu ditu Baionako Euskal Museoak. Bilboko Euskal Museoarekin elkarlanean atondutako erakusketa 2024ko urtarrilaren 14ra arte dago irekita. Urruneko garai baten testigantza. Atzoko mundua, inoiz ikusi ez dugun bezala.