Zein da unerik onena hegaldi bat erosteko?

Ikerketa batek hegaldi bat erreserbatzeko egun eta ordurik merkeena identifikatu du, eta konfirmatu du merkeagoa dela maiztasun handiko oporren ondorengo aldietan hegan egitea. Otsaila pasa da jada, baina hil horretako astearte gau batean esna egoteak merezi du.

Pertsona askok galdetzen dute ea egia den hegaldi bat erosten den momentuak prezioan eragiten duen. Benetan egun batzuetan merkeagoa da? Edo goizean edo arratsaldean erostea? Horregatik, hegaldien ‘Jet Cost’ bilatzaileek 12 hilabeteetako hegaldien batez besteko prezioa aztertu du (Estatu espainolean irteera eta helmugako aireportua dutenak), eta hegaldi bat erreserbatzeko egun eta ordurik merkeena identifikatu du, baita hegan egiteko hilabeterik merkeenak ere.

Zein da asteko egunik onena hegaldi bat erreserbatzeko?

Batez besteko prezioek erakusten dute asteartea dela hegaldi bat erreserbatzeko egunik merkeena, 63 euroko batez besteko prezioarekin. Oro har, prezioak igo egiten dira asteburura hurbildu ahala, eta eskaintzak desagertzen doaz. Beraz, gomendagarria da hegaldiak astelehenetik asteazkenera bitartean erostea. Aldiz, badirudi igandea dela hegaldi bat erreserbatzeko egunik txarrena.

Zein da eguneko ordurik onena hegaldi bat erosteko?

Aztertutako ikerketen arabera, hegaldi bat erreserbatzeko ordurik merkeena goizaldeko ordu biak dira, eta ordu horretako hegaldiek 57 euro balio dute batez beste. Aldiz, ordurik txarrena 13:00ak dira, 69 euro balio baitu. 12 euroko aldea handia ez bada ere, eskaintza onena aurkitzeko gauez esna egoteak merezi du. Oro har, hobe da beti gauez erostea goizean baino.

Zenbat denboraz merezi du hegaldia erreserbatzea?

Datuek erakusten dute, batez beste, hegaldien prezioak igo egiten direla irten aurreko egunetan. Gutxienez 15 egun lehenago erreserbatzen dugunean hasten da aurrezpena nabaritzen, eta bi hilabete lehenago erreserbatzen denean %10ekoa izatera iristen da.

Hegan egiteko hilabeterik onena

Ikerketak erakusten du urtarrila eta otsaila direla hilabeterik onenak etxeko hegaldi bat erreserbatzeko, 93 euroko batez besteko prezioarekin. Urteko lehen bi hilabeteak onenak dira hegan egiteko, abenduan hegaldiak igo egiten direlako. Iraila eta urria dira hirugarren eta laugarren hilabete onenak, 95 eta 103 euroko batez besteko prezioekin, hurrenez hurren. Aldiz, ekaina eta uztaila dira hilabeterik txarrenak, 144 euroko batez besteko prezioekin. Hilabete merkeenaren eta garestienaren arteko bidaia bakoitzeko 50 euroko aldea dago.

Europako helmugei dagokienez, urtarrila eta otsaila dira hilabeterik onenak, 102 eta 126 euroko batez besteko prezioekin, eta, ondoren, iraila, 134rekin. Hilabeterik txarrena ekaina da, 208 euroko batez besteko prezioarekin, 106 euroko aldea baitago hilabeterik garestienaren eta merkeenaren artean. Azkenik, distantzia luzeko hegaldiei dagokienez, helmugaren araberakoa bada ere, urtarrila eta otsaila dira hilabeterik merkeenak, 600 euroko batez besteko prezioarekin. Jarraian irailean, 755 euro ingurukoa. Berriz ere, hilabeterik txarrena ekaina da, 923 euro. 323 euroko aldea.