Faroe Uharteko urak, berriz gorriz, labanaz eraildako zetazeoen odolez blai

Faroe Uharteetan hasi da, urtero bezala, zetazeoen ehiza polemikoa. Denboraldia hasi zenetik, 500 animalia baino gehiago hil dira.

Ikuskisun tamalgarri hau Faroe Irletako antzinako tradizioa da, gogor kritikatuak izan arren oraindik ere bizirik mantentzen den ohitura. “Grind” edo “Grindarap” deitzen diote jarduera izugarri honi. Itsasontzien bidez zetazeoak inguratu eta badiara bultzatzen dituzte. Ondoren, lurrean geratu diren arrantzaleen eskuetan erortzen dira, ihesi egiteko aukerarik izan gabe, eta hauek uretan gerriraino sartu eta labanaz hiltzen dituzte
.

Irudia ikaragarria da, benetan. Gorriz margotzen da ura eta eraildako ugaztunen ilarek, labankadaz josita, haserrea sortzen dute animalien eskubideen aldeko ekintzaileen artean. Hamaika izan dira ohitura honen aurka egindako protestak eta salaketak, baina orain arte ez dute ezertarako balio izan. Turistak ere aho zabalik gelditzen dira eszena ikusterakoan.  

Ohitura polemikoa

2022an, Gobernuak 500era mugatu zuen izurde zurien kopurua, “ezohiko harrapaketa handi” batean 1.423 animalia hil zituztelako. Nonbait, bertakoak ere asko hunkitu zituen sarraskiak.

Sea Shepherd Gobernuz Kanpoko Erakundeak 2014ko denboraldia etetea lortu zuen arren, Danimarkako ontzi militarrek esku hartzeko duten baimena salatu dute, Feroako uretan praktika hori saihestu ahal izateko.


Ohitura defendatzen duten feroarrek, gainera, atzerriko hedabideak eta GKEak kritikatzen dituzte beren kultura eta ohiturak ez errespetatzeagatik, argudiatuz arrantzak eta tradizioek leku garrantzitsua, funtsezkoa, izan dutela betidanik irletan.