23 FEB. 2024 120 urtez Antartikan egon izana ospatzen ari da Argentina 120 urte pasa dira Argentinak Hego Amerikako bandera lehen aldiz altxatu zeuenetik Antartikan. Eta, urtemuga nolabait ospatzeko, zenbait ekitaldi eta bisita antolatu ditu Gobernuak, zeina harro sentitzen den herrialdeak egin duenarekin. 120 urte pasa ditu dagoeneko Argentinak Antartikan. (Getty Images) Bidaiari Argentina 120 urtez jarraian egon da Antartikan eta urteurrena ospazten ari da egunotan. 1904an, Hego Amerikako bandera altxatu zen lehen aldiz Hego Orcadaseko Laurie Uhartean, eta Behatoki Meteorologiko eta Magnetikoa inauguratu zen, munduko lehen base antartiko iraunkorra. «Mende bat baino gehiagoz, Argentina buru izan da Antartikan, eta zientziari eta esplorazioari eskainitako dedikazioagatik nabarmendu da», esan du Argentinako Gobernuak sare sozialetan.«Erabakitasunez begiratzen dugu etorkizunera, kontinente zuri zabalaz arduratzen diren jainko baten antzera», gaineratu du. Argentina da orain arte Antartikan denbora gehien eman duen herrialdea eta kontinente zurian base gehien dituen nazioa: zazpi estazio iraunkor eta sei aldi baterakoak, udan bakarrik irekitzen direnak. Antartikako Ituna 1959ko Antartikako Itunaren jatorrizko hamabi sinatzaileetako bat da Argentina, Antartika helburu baketsuetarako soilik erabiltzea ezartzen duena. ‘Argentina Antartika’ delakoa jarduera zientifikoaren eta Argentinako Institutu Antartikoko zientzialarien ingurumenaren babesaren bidez indartzen da, baita Indar Armatuen hedapen logistikoaren bidez ere. Antartikoko Zuzendaritza Nazionalak antartikoko jardueraren programazioaren, plangintzaren, koordinazioaren, zuzendaritzaren, kontrolaren eta hedapenaren ardura du. Javier Milei Argentinako presidenteak Marambio basea bisitatu zuen urtarrilean. Base hori Argentinak Antartikan duen estazio zientifiko nagusia da, 1969an sortua. Horrez gain, hamaika ekitaldi antolatu dituzte urtemuga ospatzeko.