Artea eta zinema uztartuz, Tabakaleran

Irailak 10-Urtarrilak 9

“Zin Ex. Gorputza eta arkitektura” eta “Chris Kraus. Pelikulak lehen eta gero”. Horiek dira urtarrilaren 9ra bitartean Donostiako Tabakaleran ikusgai izango diren erakusketak. Bakoitzak nortasun propioa du, noski, baina osagarriak dira, batak zein besteak artea eta zinema uztartzen baitituzte. Lehenak nazioarteko hogeita hamar artistaren piezak biltzen ditu eta bigarrenak, berriz, literaturarekiko mugak aztertzen ditu Chris Krausen zinema-lanen bidez.

“Gorputza eta arkitektura” “zin Ex” zikloaren bigarren proposamena da. Bigarren edizio honetan, gorputza eta espazioa lotzen dira ikuspegi kritiko eta feministatik eta hainbat film, instalazio, argazki, eskultura, marrazki esperimental eta dokumental eskaintzen ditu. Besteak beste, honako hauek hartu dute parte: Marjoleine Boonstra, Stephanie Comilang, José Miguel de Prada Poole, Pepe Espaliú, Ricardo Iriarte, Valie Export, Haus-Rucker-Co, Hsu Che-Yu, Sohrab Hura, Michelle-Marie Sevelice, Ana Mendierer eta Ana Parketa.

Chris Krausen erakusketak, berriz, sortzailearen lan zinematografiko osoa eskaintzen du, bai eta irudiarekin lotutako testu-ekoizpenaren aukeraketa bat ere. Era berean, bere filmografiaren berrikuspena egitea proposatzen du. Nolanahi ere, argi geratzen da Chris Kraus erreferentzia garrantzitsua dela artean zein literaturan. Arte idazle, editore eta kritikariak “Amo a Dick” eta “Sopor” nobelak argitaratu ditu, besteak beste.