Iker Vicentek irabazi zuen atzo Urrezko Aizkorako Txapeldunen Liga. Urriaren 23an jokatuko da Euskal Herriko Lehen Mailako finala, eta hango bi faborito nagusiak, Atutxa eta Vicente, atzo elkarren aurka lehiatu ziren, eta Vicentek lortu zuen garaipena.

Aurrez iragartzen zen moduan, iraupen probak erabaki zuen auzia. Ordura arte Atutxa izan zen nagusi eta ia minutu bateko aldearekin sartu zen lan luzera, baina iraupen proban sekulako lana egin zuen Vicentek, aurka zuen aldea irauli eta beste minutu bat pasako tartea sartzeko. 26 minutu eta 31 segundo behar izan zituen Vicentek lanak amaitzeko. Atzetik, Atutxa (27.43), Azurmendi (29.43) eta Larretxea (31.04) sailkatu ziren.