09 JUN. 2017 Hatortxu Rock jaialdiaren antolatzaileek auzolanerako deia zabaldu dute GARA LAKUNTZA «Uztailaren 27tik 30era Euskal Herriak ezagutu duen elkartasun jaialdirik handiena antolatzera goaz: 20. Hatortxu Rock, dispertsioaren aurkako erronka erraldoia. Eta Erronka erraldoi honek auzolan erraldoia eskatzen du. Eta zu behar zaitugu. Eman izena». Hauxe da Lakuntzan datorren hilean egingo den musika jaialdiaren antolatzaileek atzo zabaldu zuten gonbita. #6718taupada kanpaina abian dute dagoeneko; hain zuzen ere, kopuru horixe baita elkartasun jaialdiak behar duen txanda kopurua. Izena www.hatortxurock.eus/txandak/ helbidean eman behar da.