«Euskal oroitzapena, itzaletik argira» emango dute Baionan, Lehen Mundu Gerraren amaieraren mendeurrenean
![](/media/asset_publics/resources/000/548/156/article_main_landscape/1107_kul_itzaletik.jpg)
Armistizioa sinatu zenetik 100 urte eginen ditu igandean, eta Lehen Mundu Gerraren bukaera ospatzeko milaka ekimen izanen dira Europan. Ipar Euskal Herrian bost elkarte bildu dira “Euskal oroitzapena, itzaletik argira” ateratzeko, eta ikusgarri baten bitartez ezagutarazteko. Larunbatean, Baionako antzokian Bernart Etxepare Lizeoak, Bertsularien Lagunek, Zizpa Gaztetxeak, 1609 elkarteak eta Epaiskak egindako sorkuntza ikusteko parada izanen da.
Antzerkia, kantua, dantza eta bertsoak elkartuko ditu. Gorka Knörr eta Nat eta Watson musikariekin, beste kantari ezagun bat ere izanen da taula gainean, baina bere izena ez dute ezagutzera eman nahi izan.
Antzerkia Gaizka Sarasolak idatzi du, eta proiektuaren inguruan bildu den jendeak antzeztuko du. Seaskako Bernart Etxepare Lizeoko ikasleek sortutako dantza taula gainean eskainiko dute. Bertsoak Sustrai Colinaren eta Amets Arzallusen eskutik helduko dira, ikusiko dutenaren inguruan inprobisatuko baitute.
Ikuskizuna bideoan grabatuko da, bertan bildutako ezagutza zabaldu ahal izateko. Estatuak euskaldunak Frantziaren alde borrokatu zirela aldarrikatzen badu, ikuskizunean azalduko dute Ipar Euskal Herriko gizon anitz behartuta joan zirela, eta kopuru handietan intsumiso eta desertoreak izan zirela. Aldi berean, gerraren kontakizun ofizialaren bitartez eman den frantses izaeraren asimilazioa agerian emanen dute. Sarrerak: euskaloroitzapena@gmail.com.
Liburua
Ikuskizuna egiteko bildu den informazioa oinarri hartuta 1609 elkarteko kideak, bereziki Ibai Telletxea, liburua prestatzen ari dira. Artxiboetan lortutako informazioarekin, elkarrizketekin, eta abar osatuko dute obra.
![0814_eskorbuto2](/media/asset_publics/resources/001/146/211/article_thumb_horizontal/0814_eskorbuto2.jpg)
«Los demenciales chicos acelerados»: Eskorbuto
![0814_kul_goenaga](/media/asset_publics/resources/001/146/223/article_thumb_horizontal/0814_kul_goenaga.jpg)
Espresionismoa bide
![0815_eh_nusantara4](/media/asset_publics/resources/001/146/617/article_thumb_horizontal/0815_eh_nusantara4.jpg)
Nusantara y el desafío de construir una capital desde cero
![0817_p004_aritza](/media/asset_publics/resources/001/146/784/article_thumb_horizontal/0817_p004_aritza.jpg)
Los vascones constituyeron un Estado propio hace 1.200 años
![0018_eh_bilbo1](/media/asset_publics/resources/001/147/223/article_thumb_horizontal/0018_eh_bilbo1.jpg)