Marin Cilic tenislariak puntu erabakigarria eman zion atzo Kroaziari historiako bigarren Davis Kopa irabazteko. «Nire ametsetako asteburua izan da», adierazi zuen kroaziarrak Lucas Pouille frantsesaren kontra 7-6(3), 6-3 eta 6-3 irabazi ostean. Kroaziaren eta Frantziaren arteko finala 3-1ekoarekin amaitu zen. Gainera, formatu honetan jokatu den azken finala izan da. Datorren urtean hain kritikatua izan den sistema berria abiatuko da. P. HUGUEN | AFP