Hasi da Munichen Oktoberfest jaia, munduko garagardozaleen topalekua... Prost!

Lehen garagardo upela bi kolpez irekita eman zion hasiera Municheko alkate Didier Reiterrek mundu osoan barrena ezaguna den Oktoberfest jaiaren 186. edizioari, atzo eguerdian. Goizeko lehen ordutik ilara luzeak osatuz zain zeuden hamarka mila lagunek berehala bete zuten hiriko Theresienwiese gunea eta hala hasi zen litro bateko pitxerren dantza. Aurten, 10,80 eta 11,80 euro arteko salneurria daukate. Urriaren 6ra arte iraungo duen jaialdi honek sei milioi bisitari inguru jasotzen ditu urtero, eta egun jendetsuenetan 400.000 pertsona bildu daitezke bertan.

Argazkia: Tobias SCHWARZ | AFP