Bi lehia ingeles eta espainiarren artean, eta Unai Emeryk erronka izugarria du
Txapeldunen Ligako final-laurdenak zozketatu ziren atzo eta horrela geratu ziren kanporaketak: Manchester City-Atletico Madril, Benfica-Liverpool –bi horiek apirilaren 5ean jokatuko dute, joanekoa, eta 13an, itzulerakoa–, Chelsea-Real Madril eta Vila-real-Bayern –apirilaren 6an joanekoa eta 12an itzulerakoa–. Partidak 21.00etan hasiko dira.
Ingeles eta espainiarren arteko bi lehia interesgarri jokatuko dira, beraz, final-laurdenetan. Batetik, Cesar Azpilicueta nafarraren Chelseak –gaur egungo txapeldunak– Txapeldunen Ligan garaikur gehien dituen Real Madril jasoko du joaneko partidan; eta, bestetik, Aymeric Laporte Athleticeko jokalari ohiaren Manchester Cityk etxean jokatuko du lehen norgehiagoka Atleticorekin.
Bestalde, Unai Emery entrenatzaile hondarribiarrak gidatzen duen Vila-realek erronka izugarria izango du. Bayern Munichen eta golegile nagusia den Robert Lewandowskirekin neurtuko ditu indarrak: joanekoa etxean izango da eta itzulerakoa, Alemanian.
Azken kanporaketa Benfica eta Liverpoolen artekoa izango da. Hasiera batean, Jurgen Kloppek gidatzen duen talde ingelesak ez luke arazorik izan behar finalerdietan egoteko; areago, itzulerakoa Anfielden jokatu behar dutenean, baina portugaldarrek sorpresa eman eta faboritoa zen Amsterdameko Ajax kanporatu zuten final-zortzirenetan.
Chelsea-Real Madril eta Manchester City-Atletico Madril partidetako irabazleak elkarren aurka lehiatuko dira gero finalerdietan, eta Vila-real-Bayern eta Benfica-Liverpool partidetako irabazleak, elkarren aurka. Finala maiatzaren 28an izango da, Saint Denisen.
![0827_artefaktua_ilegaliza](/media/asset_publics/resources/001/149/722/article_thumb_horizontal/0827_artefaktua_ilegaliza.jpg)
La Ertzaintza cierra las sedes de Batasuna
![0901_eg_pradales](/media/asset_publics/resources/001/151/536/article_thumb_horizontal/0901_eg_pradales.jpg)
Osakidetza, reto urgente y piedra de toque para el Gobierno de Pradales
![0902_eg_irunea](/media/asset_publics/resources/001/151/714/article_thumb_horizontal/0902_eg_irunea.jpg)
Pantailak ala liburuak? Gerra utzi eta zientziak dioenari doitu
![0903_eg_pradales](/media/asset_publics/resources/001/152/110/article_thumb_horizontal/0903_EG_PRADALES.jpg)
Pradales y Ortuzar exageran la acción parlamentaria de EH Bildu
![0904_eh_ernai](/media/asset_publics/resources/001/152/426/article_thumb_horizontal/0904_eh_ernai.jpg)