10 JUN. 2023 BEGIRADA Neurririk gabeko hazkundea amaitu da Mario TAMA AFP Phoenix hiriko metropolian lau milioi pertsona bizi dira. AEBetako seigarren hiri jendetsuena eta azkarren hazten ari dena da. Arizonako estatuak argitu berri du ez dagoela urik bere hiriburuaren inguruan proiektatuta dauden etxebizitza guztiak hornitzeko, eta eraikuntza enpresei bizitegi-eremu berriak eraikitzea debekatuko die. Seinale txarra da gehiegizko erabileraren, lehorteen eta klima aldaketaren ondorioz lurpeko ur hornidurak agortzen ari diren AEBetako mendebaldearentzat eta beste zona batzuentzat.