Aire eraso batean
Duela bi urte, 2021eko maiatzean aita bezala lehen aldiz bizi izan zuen israeldar armada okupatzailearen erasoa gogoan, Mosab Abu Toha poetak eraso uneko bere nia-ri emango zion aholkuari buruzko poema bat idatzi zuen. Bertan Tohak dio Israelen aire eraso batean gazatar batek ondokoa egin behar duela, “gela bakoitzeko argiak itzali / etxeko barne-korridorean eseri / leihoetatik urrun”. Israelen aire eraso batean gazatar batek “labetik urrundu / te beltza egiteaz pentsatzeari utzi / ur botila bat eskura eduki” behar du, “umeen izua / lasaitzeko nahikoa handia”. Israelen aire eraso batean gazatar batek zera egin behar du, “haur-motxila bat hartu eta bertan sartu / jostailu txikiak eta dagoen dirua / eta nortasun agiriak / eta aitaita zenaren, amama zenaren, izeben edo osaben argazkiak / eta luzez gordetako aitaita-amamaren ezkontza-gonbidapena”. Eta nekazaria bada, Israelen aire eraso batean gazatar batek “marrubi hazi batzuk sartu” behar ditu “poltsiko batean / eta lur pixka bat / bestean balkoiko loreontzitik”. Gauza horiek guztiak egin ostean, Israelen aire eraso batean Mosab Abu Toha poetak gazatarrei eskatzen die “[eusteko] / azken urtebetetzeko / tartan / zegoen zenbaki horri”.
Toha erbestean da orain familiarekin batera, baina bere poemak Gazan jarraitzen du, bertakoen euskarri.
![0715_eh_abdrahman1](/media/asset_publics/resources/001/136/365/article_thumb_horizontal/0715_eh_AbdRahman1.jpg)
Abd al-Rahman III, emir «vascón» que arrasó Iruñea hace 1.100 años
![0717_eg_izaro1](/media/asset_publics/resources/001/137/036/article_thumb_horizontal/0717_eg_izaro1.jpg)
«Mendi handi bat sentitzen nuen hazten, eta gora egitea erabaki nuen»
![0718_eg_satse](/media/asset_publics/resources/001/137/856/article_thumb_horizontal/0718_EG_SATSE.jpg)
Sus interlocutores ven un cambio entre Pradales y Urkullu en Salud
![0719_cabang2](/media/asset_publics/resources/001/138/632/article_thumb_horizontal/0719_cabang2.jpg)
«Bi urtean etengabe lehiatzen ibili gara; lanak fruituak ekarri ditu»
![0720_eg_tapia](/media/asset_publics/resources/001/139/156/article_thumb_horizontal/0720_eg_tapia.jpg)