Urte osoan zehar azoka bereziak antolatzen ditu Tolosako Azokak. Asteburu honetan esnekiei egokitu zaie. Izenak berak salatzen du Tolosan zein jaki ahoratu ziren joan den ostiralean eta atzo. Euskal Herrian hain zabala den esnekien hitzordua izan da, bereziki gaztarena. Ikastaroak, gazta dastaketak, frisiarren ileapaindegia eta jada ospea hartu duen Esneki Txapelketa egin ziren, lehen sektorea sustatzeko eta ekoizleak saretzeko asmoz. Hirugarren edizioa izan da aurten ospatutakoa, eta, zailtasunak zailtasun, beste urte betez sektore bizia dela frogatu du berriz ere.