Negu heldu berriak zuriz jantzi du Central Park

Lehen begi kolpean Europa erdialdeko herrialderen bateko postala ematen du: gaztelu, dorre eta baso. Baina argazkian agertzen dena ez da Bavaria edo Bohemia, New York hiriko Central Park ezaguna da, zuriz jantzita. Neguan sartu berri gara, eta, gurean elurra ikustea ariketa gero eta zailagoa den arren, Atlantikoaren beste aldean duten klima hotzagoagatik oraindik nahiko sarri ikus ditzakegu Sagar Handiko eta gainerako hirietako kale eta parkeak geruza lodi samar batez tapatuta. Batek baino gehiagok hasperen egingo du, hemen ere, mendi puntatik behera, halako irudiak noiz ikusiko.