‘Bilboko Zirkuitua’ programak hamar antzerki proposamen berri eramango ditu auzoetara
‘Bilboko Ziurkuitua’ programaren edizio berriak hamar antzezlan inguru eramango ditu Bizkaiko hiriburuko auzoetara. Antzezlanak doan eskainiko dira eta helburu bikoitza dute: kultur eskaintzaren deszentralizazioa eta hirian sortutako lanak sustatzea.
‘Bilboko Zirkuitua’ programaren edizio berriak hamar bat antzerki-proposamen eskainiko ditu Bilboko auzoetan, urriaren 5ean hasita eta abenduaren 28ra arte.
‘Bilboko Zirkuitua’ Bizkaiko hiriburuko eta inguruko antzerki-taldeen jarduera sustatzen duen udal-ekimena da. «Aukera bat da sortzaile eta antzerki eta dantza talde berriek beren lanak ikusleen aurrean taularatu eta irudikatzeko aukera izan dezaten, eta esparru egokia da, barruti bakoitzean, hirian sortutako proposamen freskoenei eta egungoenei laguntzeko», azaldu dute Udaletik.
Udal gune ezberdinek, Altamira, Basurtu, Begoña, Errekalde, Otxarkoaga, San Frantzisko eta Zorrotzako Udal Zentroek eta Solokoetxeko Institutuak hiriko sortzaile eta antzerki talde berrien lana hartuko dute ostegunero abenduaren 28ra arte, doan.
Bilboko Zirkuituaren atal berri honetan honako konpainia hauek hartzen dute parte: NexoTeatro, ‘El violin desafinado de Ingres’; Las Paralelas, ‘El golpe’; Mejillon Tigre Kolektiboa, ‘Hitz esana’ (euskaraz); Arimaktore, ‘Siempre juntos’; Luna Llena, ‘Tuper XXX’ eta ‘¡Porque me oprime el corse!’; Companya del Bac, ‘La Prudencia’; Bea Insa, ‘HELENAS ¿de Troya?’; Totum, ‘2113’ eta Kaleka Teatro, ‘Todo el tiempo del mundo’.
Lehen aldiz programatutako lanak
Lehen aldiz programatuko dira lanak, ‘¡Porque me oprime el ’ izan ezik. Gainera, edizio honetan, Nexo teatroren ‘El violin desafinado de Ingres’ nabarmentzen da, Luis Fernando de Julianen lana. Urriaren 5ean inauguratuko du edizioa, 19.00etan, Otxarkoagako Udal Zentroan. Proposamen horretan, 1951ko Parisera bidaiatuko da publikoa, Kiki de Montparnasse Salpetriereko ospitale psikiatrikoan ingresatuta dagoenean.
Aipatzekoa da, gainera, ‘Siempre juntos’, azaroaren 2an, 19:00etan, San Frantziskoko Udal Zentroan. Antzezlan horretan, Javik 35 urte bete ditu eta zero lagunekin ospatzea erabaki du.
Udal programak Bilboko kultura eskaintzaren deszentralizazioan eragiten du, denborarekin ia auzo guztietara hedatu baita. Nabarmendu dutenez, halaber, duela hamarkada bat baino gehiago programa hasi zenetik, ekimena handituz joan da, antzezlanen kopurua handituz.
Eneko Landaburu: «Lehenik bizitzaren artea dago, bizitza on, arin eta natural bat bizitzen ikastea, eta, gero, medikuntza»
