05 ENE. 2022 Kontzeju eta udalen hamar ondasun artistikoren zaharberritzea finantzatu du Arabako Foru Aldundiak Aurreko urteko jarduketen bikoitza dira Foru Aldundiaren laguntza ekonomikoaren 2021ean zaharberritutako ondasun historiko-artistikoak. Udal eta batzar administratiboen jabetzakoak, era askotako objektuak eta eraikuntzak daude: margolanak, dokumentuak, arbelak… Zurbaoko Administrazio Batzarraren 1551. urteko dokumentua. (Arabako Foru Aldundia) GAUR8 Arabako Diputazioaren laguntza deialdira aurkeztutako proiektuak administrazio batzarren eta udalen jabetzakoak dira, eta haien artean mota askotako elementuak daude. Harrizko gurutze-ontziak, iturri baten elementu apaingarriak, bi koadro, ehun liturgikoak, bi arbel historiko eta artxiboko dokumentuak izan dira azken deialdiaren finantziazioa jaso dutenak. Zaharberritutako ondasun historiko-artistiko guztiak entregatuak izan dira, “Bautismo de Cristo” margolana izan ezik, hurrengo egunetan entregatuko baitzaio Galarretako herriari. Guztira, 67.300 euroko inbertsioa gainditu du, eta horren %80 Aldundiak jarri du. Esku-hartzeetako bat tokian bertan egin den Urarteko gurutzearen zaharberritzea eta gurutzadurako fuste berriaren diseinua eta instalazioa izan da. Aguraingo Udalak sustatutako proiektuari erantzunez, Opakuako gurutzadura lekualdatzea eta zaharberritzea izan da beste lanetako bat. Galarretan, Jose Lopez de Torre margolariari egotzitako “Kristoren bataioa” margolana eraberritu dute. Oso kontserbazio egoera txarrean zegoen lana, eta amaitzeke dagoen bakarra da. 1551eko agindua Zurbaoko Administrazio Batzarraren 1551eko betearazpen agindua da landu den beste elementuetako bat. Administrazio Batzarrak XV. mendearen amaieraren eta XVI. mendearen hasieraren bitartean Zurbaoren eta Gasteizen artean izandako auzi bati buruzko betearazpena da, Valladolideko Kantzelaritzak igorri eta zigilatua. Pergaminozko 17 bifoliok osatzen dute. Arroiabeko harrizko gurutzadura tokian zaharberritutako beste ondasunetako bat da, baita Iekorako iturriaren aurrealdeko elementu artistikoak ere. Aiarako udalerrian, Lantenoko eskoletako bi arbel historiko zaharberritu dituzte. Ohar batean azaldu dutenez, bi altzariz osatutako erloa da, eta arbela beltza da, jute oihal beltzez eginda dagoena. Andetzako Administrazio Batzarrean 1606 eta 1906 urteen artean datatutako dokumentuak gordetzen dituen artxibo funtsa berriztatu dute. Eraberritutako objektuen artean, Eltziegoko elizako kasulla bat eta estola bat daude, baita Araian dagoen Txarberren “Titulurik gabea” izeneko margolana ere.