Duela hamar urte hil zen Dorothy Maharam matematikari estatubatuarra

Gaurko egunez zendu zen, 97 urterekin, Maharam Stone matematikari estatubatuarra. Neurriaren teoriari ekarpen garrantzitsuak egin zizkion, eta Maharamen teoremak eta Maharamen aljebrak bere izena daramate.

Dorothy Maharam 1917ko uztailaren 1ean jaio zen Parkersburgen, Mendebaldeko Virginian. Carnegie Institute of Technology-n lizentziatu zen, eta Bryn Mawr Collegen doktoratu, Anna Johnson Pell Wheeler-en begiradapean, ‘On measure in abstract sets’ izeneko hitzaldiarekin. Bere tesiaren zati bat ‘Transactions of the American Mathematical Society’-n argitaratu zen.

Doktorego ondoko ikasketak egin zituen Princetoneko (New Jersey) Ikasketa Aurreratuen Institutuan. Hurrengo urte luzeetan Estatu Batuetako eta Britainia Handiko hainbat unibertsitatetan irakasle ibili zen.

Maharamen teorema

Matematikan egindako ekarpenei esker, Maharamek nazioarteko onarpena lortu du. Aitzindaria izan zen, besteak beste, zenbaki osoen neurketa gehigarrien ikerketan. Maharamen teoremak paper garrantzitsua du Banachen espazioen teorian. ‘Proceedings of the National Academy of Sciences of the United States of America’ aldizkarian argitaratu zuen, 1942an. Beste artikulu bat ‘Annals of Mathematics’ aldizkarian argitaratu zuen 1947an. Bertan, Maharam aljebrak sartu zituen.

Bere senarra, Arthur Harold Stone, eta bi semeak ere Matematikan aritu ziren.

Maharamek 2001ean erretiratzea erabaki zuen, eta 2014ko irailaren 27an hil zen, 97 urterekin, Brooklinen (Massachusetts).