Gaurko egunez jaio zen Ennio Morricone, soinu-banden «erregea»

1928ko azaroaren 10ean jaio zen Ennio Morricone italiar musikagilea. Ezaguna da soinu banda ospetsu ugariren egilea izateagatik; guztira, zinemarako eta telebistarako 400 partitura baino gehiago egin ditu, beste konposizio batzuen artean.

Ennio Morricone Omri 1928ko azaroaren 10ean jaio zen Erroman. Musikagile italiarra soinu banden «erregea» izateagatik da ezagun, zinemarako eta telebistarako 400 partitura baino gehiago egin ditu, baita 100 lan klasiko baino gehiago ere, eta garai guztietako konpositorerik oparo eta handienetakotzat jotzen da.

Aitortza ugari jaso zituen, besteak beste, bi Akademia Sari, hiru Grammy Sari, hiru Urrezko Globo, sei BAFTA, hamar David di Donatello, hamaika Nastro d 'Argento, bi Europako Zinema Sari, bi Urrezko Lehoi Sari, Ohorezko Saria eta Polar Saria. Bere filmografian 70 film baino gehiago daude sarituak.

1940ko hamarkadan jazz bandetan tronpeta jole ibili ondoren, RCA Victor-en estudioan moldatzaile hasi zen, eta 1955ean zinemarako eta antzerkirako idazten hasi zen, ‘idazle mamu’ bezala. Bere ibilbidean zehar, Paul Anka, Mina, Milva, Zucchero eta Andrea Bocelli artistentzako musika konposatu zuen. 1960tik 1975era, Morriconek nazioarteko ospea lortu zuen Westernetarako musika konposatzeagatik, horren adibide da ‘Once Upon a Time in the West’ munduko partiturarik salduenetakoa izatera iritsi izana. 1966tik 1980ra bitartean, Il Gruppoko kide nagusia izan zen, eta 1969an Forum Music Village sortu zuen, grabazio estudioa. Europako ekoizpenetarako musika konposatzen jarraitu zuen, hala nola, Marco Polo, La piovra, Nostromo, Fateless, Karol eta En mai, fais ce qu 'il te plait.

2020ko uztailaren 6an hil zen, Erroman, eroriko baten ondorioz, 91 urte zituela.