Donostiako Udalak behin betiko baztertu du Monpasen pasabide bat egitea, udal teknikariek egin dituzten txostenak aztertu ondoren.

Bi argudio eman dituzte eraikuntza baztertzeko: batetik, pasabidearen mantentze-lanek urtean 124.000 euroko balioa izango lukete, eta horri fenomeno atmosferikoek edo beste gertakari batzuek eragindako kostu posiblea gehitu beharko litzaioke.

Horretaz gain, azpiegitura horrek ingurumenean izango lukeen eragina ere aintzat hartu dute erabakia hartzerako orduan.

Ingurumen Ministerio espainolak pasabidea eraikitzeko aurreikusia zuen diru kopuruari dagokionez –8,7 milioi euro–, Udalak Urumeako ibarrean uholdeak ekiditeko erabil dezala eskatuko dio Madrili.