![EH Bilduko ordezkari ugari bildu da Donostiako Miramar Jauregian. (ARGAZKI PRESS)](/media/asset_publics/resources/000/033/147/article_main_landscape/20130906_miramar.jpg)
Ikasturte politikoari hasiera emateko Donostiako Miramar jauregian eginiko ekitaldian, Laura Mintegi koalizio abertzalearen bozeramaleak iragarri du «datozen egunotan» subiranotasunaren bideari ekiteko proposamen bat aurkeztuko dutela, «irekia, zabala, auzolanerako lanabesa».
Mintegirekin batera, EH Bilduko ordezkari ugari izan da ekitaldian, tartean Martin Garitano Gipuzkoako ahaldun nagusia, Pello Urizar, Oskar Matute, Hasier Arraiz, Rebeka Ubera edota Joseba Permach.
Ekimenaren inguruan zehaztapen gehiagorik eman ez duen arren, nabarmendu du bidea ez doala «inoren aurka, guztion alde» baizik, «den-denok irabaziko baitugu geure burua gobernatzen dugun heinean».
Burujabetza sustatzearen beharra nabarmendu du Mintegik, «Espainia gaixorik» dagoelako, «dituen gabezia handiak ukatu, ezkutatu edo baztertzen» baititu.
«Gobernu espainiarrak ez daki entzuten, ez daki solasean egiten, ez daki zer den errespetua, bizikidetza mespretxatzen du, bakeak bertigoa ematen dio eta ez du onartzen Euskal Herria existitzen denik», azpimarratu du, bide honetan «inora ere ez» goazela adierazteko.
Testuinguru honetan burujabetza sustatzeko beharra nabarmendu du, «herri honen izaera aitortzen duten guztiekin»-
Herritar nahiz eragileei burujabetzaren trenera igotzeko gonbitea egin die Mintegik. «Gonbitea luzatzen dugu, lokomotoratik edo bagoietatik, aurrera jotzeko eragozpen guztien gainetik. Ibilbidearen atal bakoitzean akordio txikiak erdietsi nahi ditugu, herrigintza helburu beti», argitu du.
Ohartarazi duenez, «akats larria» litzateleeka espazio autonomikoa «blindatzeko tentazioan erortzea eta hura ziurtatu nahi izatea».
Eskubide sozialen defentsa
Mintegiz gain, Maiorga Ramirezek ere hartu du hitza, eta ziurtatu du koalizioak ez duela onartuko euskal herritarren eskubide sozial eta laboralak suntsitzea.
Zentzu horretan, enplegua sortzera, lan orduak murriztera, «behar gehien dutenak erortzen utziko ez dituen sistema publiko indartsua» finkatzera eta hura mantentzea ahalbidetuko duen fiskalitatea ezartzera bideratutako politikak aurkeztuko ditu EH Bilduk.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![0811_eh_pavel](/media/asset_publics/resources/001/145/092/article_thumb_horizontal/0811_eh_pavel.jpg)
Polonia mantiene abierta la investigación contra Pablo González y podría juzgarlo en rebeldía
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)