Egun «urduri» batean egin dute agerraldia Etxerat elkarteko bozeramaleek, Auzitegi Gorenean zigorrak zenbatzeko moduari buruz egin behar duten eztabaida dela-eta.
«Tentsioa nagusi den egun honetan, beste tranpa legal bat makinatzen ari diren honetan, Etxeratetik konponbidea aldarrikatzeko eguna izango den urtarrilaren 10eko mobilizaziora dei egin nahi diogu euskal gizarteari», esan dute.
Gogoratu dutenez, hitzordua urtarrilaren 10erako dago jarrita, arratsaldeko 17.30ean.
Urtero egin ohi duten legez, aurten ere senideak ez dira bisitetara joango, Bilboko manifestazioan parte hartzeko.
«Asteburu horretan, gure bisita eskubideari uko egingo diogu. Uko? Bai, uko. Bilbon Berglingo harresia bezalakoa den espetxe politikarekin betirako amaitzeko», adierazi dute.
Etxerateko eledunen esanetan, 2015eko lehen asteburuetan errepideetan egongo badira ere, egun indarrean den espetxe politikari eta giza eskubideen urraketei hastear den urtean amaiera emateko ardura «guztiona» da, «euskal jendarteak itxaropena aldarrikatzen duelako».
Azkenik, Sarek iragarri zuen bezala, Nafarroa Gipuzkoa eta Ipar Euskal Herriko senideak Udaletxetik aterako dira zutabeetan. Araba eta Bizkaiakoek, aldiz, La Casilla izango dute abiapuntu.
El Tribunal Supremo analiza hoy el cómputo de las penas en los países de la Unión Europea
Sortu advierte de la «posición contraria a la paz» del PP al vulnerar derechos
El Supremo español aplaza al 13 de enero su decisión sobre acumulación de penas
Rajoy niega que su Gobierno se inmiscuya en las decisiones judiciales sobre los presos
NAIZ: MUSIKA, kanal berri bat gure komunitateko berrienentzat
Educación y sindicatos no llegan a un acuerdo y se mantiene la huelga de profesores
Otegi llama desde el Parlamento europeo a «alejarse de la deriva autoritaria y militarista»
La línea de alta tensión de Forestalia que cruza Zaragoza, Nafarroa y Araba se da por muerta
