Egun osoan zehar sarean bezala, kalean ere gaitzespen zabala jaso du Guardia Zibilak burutu duen operazioa, hamasei atxiloturekin –tartean hamabi abokatu– bukatu dena.
Gaur hastekoa zen epaiketaren aurka deituta zeuden hasiera batean mobilizazioak, baina operazioa salatzeko mezuak izan dira nagusi azkenean.
NAIZek bildutako datuen arabera, Hernanin 600 lagun bildu dira; Sopelan, 100; Abadiñon, 50 inguru; Ibarran, Jon Mintegiagaren herrian, 200 inguru izan dira; Larrabetzun, 100 inguru; Leioan, 125; Usurbilen, 100; Berriozarren, 100; Iruñean, PPren egoitzaren aurrean jende andana bildu da.
Zizurren –Nagore San Martin atxilotu dute bertan– 120 pertsona inguruk egin dute protesta. Arantxa Aparicio bereziki gogoan izan dute Intxaurrondoko elkarretaratzean. Arbizun, Fran Baldaren herrian, 500 lagunek hartu dute parte batzar informatiboan.
Horiez gain, protestak egin dituzte, besteak beste, Bilbon (auzo desberdinetan), Gasteizen, Baionan, Eibarren, Algortan, Elgoibarren, Mundakan, Zeanurin, Antsoainen, Bergaran, Galdakaon, Lekeition, Zumaian, Gernika-Lumon, Ondarroan edota Oiartzunen.
Fallece Koldo Anza, hermano de Jon Anza y extrabajador de la Real
Gatiburen ‘Azken zoramena’ Gernikan izango da: etxeko giroan, kalean eta ekainaren 7an
«Esto es un mazazo; con 50 años, ¿adónde vas?», el drama de los trabajadores de BSH
Detenido el exjugador del Athletic ‘Txutxi’, condenado por traficar con 950 kilos de cocaína
