Baigura-Mondarrain: Zentro-eskuineko bi hautagaitzek bildu dute bozka behien

Baigura-Mondarrain kantonamenduan, Bru-Pargade eta Etcheverry-Inchauspe binomioak izan dira nagusi. Bi hautagaitzak zentro-eskuineko aliantzakoak dira.

Vincent Bru, botoa ematera joan denean. (Aurore LUCAS)

Vincent Bru Kanboko auzapezak eta Isabelle Pargadek osatutako binomioak bildu du boto gehien Baigura-Mondarrain kantonamenduan (%35,41).

Bigarren postuan, UMPrekin batera aliantzan joan diren zentristak gelditu dira, Frantxa Etcheverry-Cachauk eta Beñat Inchauspek %24,96ko babesa bildu baitute.

Bi binomio bozkatuenak Forces64-UMP zentro-eskuineko aliantzakoak dira.

EH Bai izan da hirugarren indar bozkatuena, botoen %18,16 lortuta.

PS eta aliatuen Capdeville-Etchegoin binomioak %11,21eko babesa jaso du eta, azken postuan, Fronte Nazionalak babesen %10,26 bildu du.

Abstentzioa %42,59 izan da.